بابا..
يمكن تكون أول مرة أقولك فيها بابا،الحقيقة مش فاكرة،أصلك لما بعدت وسبتني أنا وماما كنت صغيرة اوي...صغيرة لدرجة اني مش فكرالك غير ملامح الغضب والانفعال اللي كنت دايما فيهم..مش فاكرة غير قسوة وظلم وجبروت عليا وعلى ماما.
طول عمري عايشة لواحدي من غير أخ أو أخت ، من غير أصحاب ، من غير أب...من غير أمان.أقولك على سر....بعادك دا أثر عليا أوي،بقيت ريشة الهوا بيطوحها هنا وهناك بسهولة،وللأسف دا بيكبر معايا يوم بعد يوم......ياااااااااه...
أد ايه انت كنت أناني،بعدت من غير لحظة تردد،نسيت من غير لحظة ندم..سنين مش عارفة عنك حاجة خالص......نسيت شكلك،صورتك،ملامحك...وكل اللي فكراه منك لحظة وداع على استعجال وانت بتوصلني للطيارة اللي هاترجعنا مع أمي لمصر.
سنين اتنقلت فيهم من طفلة بضفيرة كل اللي هاممها عروستها اللي في حضنها،وبقيت شابة مراهقة شايفة الحياة بلون مش قادرة أحدد ملامحه... بدوس في الدنيا بقلب كل اللي حواليا شايفينه جامد..لكن هو في الحقيقة أضعف من طير فقد عشه.......قلب من ورق
ورجعت بعد ما بدأت أمشي أول خطوة في طريقي وأفتح عيني على الدنيا،ورجوعك دا مش قادرة أفهم ايه الهدف منه غير انك تزود حزني وضعفي،واتمنيت انك تخرج من حياتي تاني لأني مش لاقية منك غير تجاهل ولا مبالة وقسوة...كأنك بتعاقبني اني جيت الحياة
انت رفضتني زمان وبعدت...ودلوقتي أنا اللي برفضك اديك ضهري...هاتجاهل ايدك الممدودة ليا مع وعد بالخيانة،هارجع من تاني لحياتي اللي دمرتها بنفسك ومن غير أي احساس
قابلت أطفال كتير مش عارفين معنى كلمة أب....لكن ماقابلتش أب مايعرفش احساس الأبوة
كل اللي أقدر أقولهولك دلوقتي ان أنا اللي بندم لأنك بابايا....واسمي مايشرفهوش انه يكون قبل اسمك
بسببك فقدت الاحساس بالأمان والثقة في نفسي وفي كل الناس......ودلوقتي ببدأ حياتي من جديد،مع ناس جديدة،وأفكار جديدة....يمكن أقدر أنسى قسوتك وظلمك وجبروتك
ياريتك تخرج من حياتي......بعادك أمان ليا
بنت الوحيدة
...
يمكن تكون أول مرة أقولك فيها بابا،الحقيقة مش فاكرة،أصلك لما بعدت وسبتني أنا وماما كنت صغيرة اوي...صغيرة لدرجة اني مش فكرالك غير ملامح الغضب والانفعال اللي كنت دايما فيهم..مش فاكرة غير قسوة وظلم وجبروت عليا وعلى ماما.
طول عمري عايشة لواحدي من غير أخ أو أخت ، من غير أصحاب ، من غير أب...من غير أمان.أقولك على سر....بعادك دا أثر عليا أوي،بقيت ريشة الهوا بيطوحها هنا وهناك بسهولة،وللأسف دا بيكبر معايا يوم بعد يوم......ياااااااااه...
أد ايه انت كنت أناني،بعدت من غير لحظة تردد،نسيت من غير لحظة ندم..سنين مش عارفة عنك حاجة خالص......نسيت شكلك،صورتك،ملامحك...وكل اللي فكراه منك لحظة وداع على استعجال وانت بتوصلني للطيارة اللي هاترجعنا مع أمي لمصر.
سنين اتنقلت فيهم من طفلة بضفيرة كل اللي هاممها عروستها اللي في حضنها،وبقيت شابة مراهقة شايفة الحياة بلون مش قادرة أحدد ملامحه... بدوس في الدنيا بقلب كل اللي حواليا شايفينه جامد..لكن هو في الحقيقة أضعف من طير فقد عشه.......قلب من ورق
ورجعت بعد ما بدأت أمشي أول خطوة في طريقي وأفتح عيني على الدنيا،ورجوعك دا مش قادرة أفهم ايه الهدف منه غير انك تزود حزني وضعفي،واتمنيت انك تخرج من حياتي تاني لأني مش لاقية منك غير تجاهل ولا مبالة وقسوة...كأنك بتعاقبني اني جيت الحياة
انت رفضتني زمان وبعدت...ودلوقتي أنا اللي برفضك اديك ضهري...هاتجاهل ايدك الممدودة ليا مع وعد بالخيانة،هارجع من تاني لحياتي اللي دمرتها بنفسك ومن غير أي احساس
قابلت أطفال كتير مش عارفين معنى كلمة أب....لكن ماقابلتش أب مايعرفش احساس الأبوة
كل اللي أقدر أقولهولك دلوقتي ان أنا اللي بندم لأنك بابايا....واسمي مايشرفهوش انه يكون قبل اسمك
بسببك فقدت الاحساس بالأمان والثقة في نفسي وفي كل الناس......ودلوقتي ببدأ حياتي من جديد،مع ناس جديدة،وأفكار جديدة....يمكن أقدر أنسى قسوتك وظلمك وجبروتك
ياريتك تخرج من حياتي......بعادك أمان ليا
بنت الوحيدة
...
الاشتراك في:
تعليقات الرسالة (Atom)
ربنايكون بعونك يارب ومايحرم بنتي من ابوهااللي تركها ولسه اناحامل فيها